కరోనా భయంతో.. డూప్స్‌తో ‘ఆర్‌‌ఆర్‌ఆర్’ షూటింగ్.. రాజమౌళి నిర్ణయం!

10:20 pm, Mon, 15 June 20

హైదరాబాద్: జక్కన్న రాజమౌళి దర్శకత్వంలో వచ్చిన ‘బాహుబలి’ చిత్రం దేశం మొత్తాన్ని మాయలో పడేసింది. ఆ తర్వాత జక్కన్న డైరెక్షన్‌లో వస్తున్న చిత్రం ’ఆర్‌ఆర్‌ఆర్‌’.

‘రౌద్రం రణం రుధిరం’ పేరుతో రూపొందుతున్న ఈ చిత్రం షూటింగ్‌ లాక్‌డౌన్ కారణంగా ఆగిపోయింది. ఇప్పుడు షూటింగ్‌కు అనుమతులు లభించినా.. హైదరాబాద్‌లో కరోనా పాజిటివ్ కేసులు విపరీతంగా

పెరుగుతుండటంతో ఆలోచించి అడుగేయాలని  చిత్రయూనిట్ భావిస్తోంది. అందుకే స్టార్ హీరోలతో కాకుండా వారి డూప్స్‌తో రెండు రోజులు ట్రయల్ షూట్ చేయాలని దర్శకధీరుడు రాజమౌళి భావిస్తున్నట్లు వార్తలు వినవస్తున్నాయి.

హైదరాబాద్ శివార్లలో, లేదంటే అల్యూమినియం ఫ్యాక్టరీలో వేసిన సెట్స్‌లో ఈ ట్రయల్ షూట్ చేయనున్నారట. ఈ ట్రయల్ షూట్‌లో మొత్తం 50 మంది పాల్గొనేలా ప్లాన్ చేస్తున్నారు.

ఈ షూట్ క్వాలిటీని రివ్యూ చేసిన తర్వాత ఒరిజినల్ షూట్‌పై రాజమౌళి ఓ నిర్ణయం తీసుకుంటారని తెలుస్తోంది. ఇలా చేయడానికి ఇద్దరు స్టార్ హీరోలు, నిర్మాత కూడా ఓకే చెప్పారని అంటున్నారు.