లోపలికి వెళ్తున్నా.. ఏం జరుగుతుందో చూడాలి: అచ్చెన్నాయుడు

8:37 pm, Fri, 12 June 20

విజయవాడ: గొల్లపూడి ఏసీబీ ఆఫీసులో టీడీపీ నేత అచ్చెన్నాయుడు చేరుకున్నారు. ఇక్కడ ఆయనకు వైద్య పరీక్షలు చేశారు. ఈ సందర్భంగా అచ్చెన్నాయుడు మీడియాతో మాట్లాడారు.

ఏసీబీ అధికారులు తనను రమ్మన్నారని, అందువల్ల వచ్చానని తెలిపారు. అధికారులు తనను ఇంతవరకు ప్రశ్నించలేదని చెప్పారు. ‘లోపలికి వెళ్తున్నా, ఏం జరుగుతుందో చూద్దాం’ అన్నారు.

బయటకు వచ్చాక అన్ని విషయాలూ చెబుతానని స్పష్టంచేశారు. అంతకుముందే గొల్లపూడి ఏసీబీ ఆఫీసుకు అచ్చెన్నాయుడు న్యాయవాదులు వచ్చారు.

కాగితాలపై అచ్చెన్నాయుడు సంతకాలు తీసుకెళ్తామని లాయర్లు తెలిపారు. అయితే సంతకాలు తీసుకోవడానికి ఏసీబీ అధికారులు నిరాకరించారు. ఏదైనా కోర్టులో తేల్చుకోవాలని న్యాయవాదులకు తేల్చిచెప్పారు.