సెప్టెంబరు 5 నుంచి ఏపీలో బడులు పునఃప్రారంభం: ముఖ్యమంత్రి జగన్

7:38 pm, Tue, 28 July 20

అమరావతి: కరోనా వైరస్ కారణంగా దేశవ్యాప్తంగా మూతపడిన పాఠశాలలు ఎప్పుడు తెరుచుకుంటాయో తెలియని పరిస్థితి ఉంది. అన్‌లాక్-3లో పాఠశాలలకు అనుమతి లేనట్టు తెలుస్తోంది.

అయితే, ఆంధ్రప్రదేశ్ మాత్రం సెప్టెంబరు నుంచి పాఠశాలలు పునఃప్రారంభించేందుకు రంగం సిద్ధం చేస్తోంది.

సెప్టెంబర్ 5వ తేదీన పాఠశాలలు ప్రారంభమవుతాయని ముఖ్యమంత్రి జగన్ నేడు పేర్కొన్నారు. ఆగస్ట్ 31వ తేదీ నాటికి అన్ని పాఠశాలల్లో నాడు-నేడు పనులను పూర్తి చేయాలని అధికారులను ఆదేశించారు.

ఈరోజు అధికారులతో జగన్ సమీక్ష నిర్వహించారు. ఈ సందర్భంగా మాట్లాడుతూ నాడు-నేడు పనులపై ప్రతి రెండు రోజులకు ఒకసారి సమీక్ష నిర్వహించాలని జిల్లా కలెక్టర్లను ఆదేశించారు.

ఆగస్టు 15వ తేదీన పేదలకు ఇళ్ల పట్టాలను పంపిణీ చేస్తున్నట్టు ప్రకటించారు.