ఎర్రగడ్డ రైతు బజారులో కరోనా కల్లోలం.. మూడు రోజులు మూత

3:22 pm, Mon, 6 July 20

హైదరాబాద్: ఎర్రగడ్డ రైతు బజారులోని ఓ కాంట్రాక్టర్‌ కరోనా వైరస్‌తో మృతి చెందడంతో మూడు రోజుల పాటు రైతు బజారును మూసివేస్తున్నట్టు అధికారులు ప్రకటించారు.

రైతు బజారును శానిటైజ్ చేసిన అధికారులు వ్యాపారితో కాంటాక్ట్ అయిన వ్యక్తులు హోం క్వారంటైన్‌లో ఉండాలని సూచించారు.

కరోనా లక్షణాలు కనిపిస్తే వెంటనే వైద్యులను సంప్రదించాలని పేర్కొన్నారు. రైతు బజారులోని వ్యాపారి కరోనాతో మరణించిన విషయం తెలిసిన కొనుగోలుదారులు హడలెత్తిపోతున్నారు.