విషాదం: కరోనా మహమ్మారికి బలైన మూడు నెలల పసికందు

7:06 pm, Thu, 25 June 20

ముదిగొండ: ఖమ్మం జిల్లాలో విషాదం నెలకొంది. మూడు నెలల పసికందు కరోనాతో ప్రాణాలు కోల్పోయాడు.

జిల్లాలోని ముదిగొండకు చెందని చిన్నారి మెదడు, కిడ్నీ, గుండె సంబంధిత సమస్యతో బాధపడుతుండడంతో ఖమ్మంలోని పలు ప్రైవేటు ఆసుపత్రులలో చూపించారు.

అయినప్పటికీ ఫలితం లేకపోవడంతో హైదరాబాద్‌లోని నిలోఫర్ ఆస్పత్రికి తరలించారు. అక్కడ చికిత్స పొందుతూ ఆ చిన్నారి మంగళవారం ప్రాణాలు కోల్పోయాడు.

చిన్నారికి నిర్వహించిన కోవిడ్ పరీక్షలకు సంబంధించిన ఫలితాలు నిన్న రాగా బాబుకు కరోనా సోకినట్టు నిర్ధారణ అయింది.

అల్లారుముద్దుగా పెంచుకుంటున్న బాబు కరోనాతో కన్నుమూయడంతో ఆ కుటుంబంలో విషాదం నెలకొంది.